گیچدی ئیگید لوق گونی ایندی خم اولماق چاقیدور

یتدی بو طومار پایانه بوکولماق چاقیدور

دوندی آغزیدیش سیزلوقدان ئیلان سوراخنه

آغلا آغلا بو آغیز پیرله نه گولماق چاقیدور

گیتدی قوت دیزلردن اوتراق اولماق گرگ

[...]

دنی نانجاق ترقی ایلسه عالی مکان اولمز

زمین توزاولسه باشی گوگه تیسه آسمان اولمز

چوق اصلاح ایسترانسان وجودی تاکه دیل بیلسونک

قلم یو نولمینجه هر طرفدن، خوش بیان اولمز

گیول چاک اولمینجه بیتمز آنده معرفت تخمی

[...]

گر گلسه لطفدین گوزه، اول ماهپاره مز

مشکل که گلمیه گوزه آخر ستاره مز

بس کیسه لر که تیکمیشدی جور تیغنه

بیدرد بخیه قویمدی گوز آچه یاره مز

تا یمز فروغ جوهز مز تا وطنده یوق

[...]

ویرمه، چوق رنگ گل عارض جانانمزه

گیرمه ای باده گلرنگ بیزیم قانمزه

اول نه رخ دور نه طراوت که او ننک فیضندین

گل اولور خار اگرال ووره دامانمزه

اول نه لب دور، نه دهان دور،نه حلاوت دوربو

[...]

کونکلر یرده جیرانی فغانلر گوکده درناسی

گوزل اولاقمیش لاچین باخشلیم عشق صحراسی

ز بس پر جذبه اولمیش بیستون شیرین مثالیندین

عجب کیم آیینه فرهاد الیندین تیشه خاراسی

آخار آب حیات از بس بولانلوق عمر باغیندین

[...]

اگر گللر غمیندینک دور چمنده بلبل افغانی

کیمونگ عشقیندینک آیا چاک دور گللر گریبانی

سننک گل تک جمالنک بیر نظر تا پرده سیز گوردی

گوزوم هر لاله سیرابه تو شدی قیندی قانی

گیچه سیلاب تک گرداغه دورماز طاش طاش اوسته

[...]

محبوبم الله لبیک لبیک

مطلوبم الله لبیک لبیک

کرگچه مین بول باشم جدایه

بو تن بو تسلیم حکم قضایه

وقف ایتمشم جای کوی بلایه

[...]

ایتدی غم طغیان سرور قلب ناشادیم اویان

اود دو توب جلم چخوب قلا که فریادیم اویان

آچیلوب قان چشمه ساری آلدی دور چشممی

اولدی سیل اویناقی کنج محنت آبادیم اویان

طرفه لاله ستان اولوب دورون سرشک آلدن

[...]

الوداع ای سرو ناز گلشن جان الوداع

الودای ای اکبر ناکام عطشان الوداع

دور تماشا قیل کیم اولدی دام صیاده اسیر

قمری آزادون ای سرو خرامان الوداع

نه امیدیلن داخی گلشنده قالسون عندلیب

[...]

دیداردن گر ایلده جانان مضایقه

جانانه‌دن من ایلمرم جان مضایقه

اوراق عمری گل کیمی تکدم ایاغنه

یاخماقدن ایتده نرگس فتان مضایقه

رحم ایلدی بو سینهٔ مجروحه قاشلرن

[...]

ترجمهٔ فارسی بهروز ثروتیان

متن اصلی ترکی آذربایجانی

سلام بر حیدر بابا

حیدر بابایه سلام

۱

[...]

تورکون دیلی تک سئوگیلی ایسته کلی دیل اولماز

اؤزگه دیله قاتسان بو اصیل دیل اصیل اولماز

اؤز شعرینی فارسا – عربه قاتماسا شاعیر

شعری اوخویانلار ، ائشیدنلر کسیل اولماز

فارس شاعری چوخ سؤزلرینی بیزدن آپارمیش

[...]

اولدوز سایاراق گوزله میشم هر گئجه یاری

گج گلمه ده دیر یار یئنه اولموش گئجه یاری

گؤزلر آسیلی یوخ نه قارالتی نه ده بیر سس

باتمیش قولاغیم گؤرنه دؤشور مکده دی داری 

بیر قوش آییغام! سویلیه رک گاهدان اییلده ر

[...]

سن وطندن ساری قلبین دویونورسه،مارالیم!

وطنین ده مارالیندان ساری قلبی دویونور.

وطنی باغریوا باسسان سه وینرسن ینه سن

که وطن ده بالاسین باغرینا باسسا سه وینر.

منیم عشقیم اوجالیب غوربت اولوب دنیا منه

[...]

آمان اللاه یِئنه شیطان گلیب ایمان آپارا

قُورویون قُویمایون ایمانوزی شیطان آپارا

منیم ، اینسانلیغمین گُؤرنه حصاری یاوادیر

کی گونوز غولِ بیابان گلیر اینسان آپارا

خرمنی ساققیزا وِئردیک نه یامان چَرچی دی بو

[...]

بو گئجه من کی یاتا بیلمه ییرم باشی باشلاره قاتا بیلمه ییرم

یوخوسوزلوق منی قاتلاشدیردی من بو نامرده باتا بیلمه ییرم

اؤغری قالدیردی قازان – قابلامامی کیم ال آتسین حاجاتا؟ بیلمه ییرم

اؤغرونون کیم یئتیریب اؤمباسین ازیخلیا بیر زؤپاتا بیلمه ییرم!

آیلیق آلدوق ، ا وئردیک گئتدی نه یئیه ک ، ای وای آتا ! بیلمه ییرم

[...]

شاطر اوغلان گوروم آللاه سنه وئرسین برکت

قوی اونون یاخشی النسین ،خمیرین اللنسین

چوخ پیشیر یاخشی پیشیر گویده فیریلدات چوره گی

منبر اوسته چوره یین قوی قالانیب تللنسین

تندیرین طور تکین عرشیده ن آلسین ایشیغی

[...]

صبح اولدی هر طرفدن اوجالدی اذان سسی!

گویا گلیر ملائکه لردن قرآن سسی!!!

بیر سس تاپانمیرام اونا بنزه ر، قویون دئییم:

بنزه ر بونا اگر ائشیدیلسیدی جان سسی !!!

سانکی اوشاقلیقیم کیمی ننیمده یاتمیشام ...!

[...]

ایذن وئر توی گئجه‌سی من ده سنه دایه‌گلیم

ال قاتاندا سنه مشاطّه تماشایا گلیم.

سن بو آیلی گئجه‌ده سئیره چیخان بیر سرو اول.

ایذن وئر من‌ده دالینجا سورونوب سایه گلیم.

منه ده باخدین او شهلا گؤزوله ، من قارا گون،

[...]

چوخلار انجیکدی کی سن اونلارا ناز ایله میسن

من ده اینجیک کی منیم نازیمی آز ایله میسن

ائتمیسن نازی بو ویرانه کونولده سلطان

ائوین آباد اولا درویشه نیاز ایله میسن

هر باخیشدا چالیبان کیپریگی مضراب کیمی

[...]