بار الاها سن بیزه وئر بو شیاطین دن نجات

اینسانین نسلین کسیب ، وئر اینسه بو جین دن نجات

بیزدن آنجاق بیر قالیرسا ، شیطان آرتیب مین دوغوب

هانسی رؤیا ده گؤروم من ، بیر تاپا مین دن نجات

بئش مین ایلدیر بو سلاطینه گرفتار اولموشوق

[...]

ایسلام اویاتدی خالق باشین قاوزایان قاچیر

شیطان باجارمادی کی , یاتانلار اویانماسین

هر رنگی آت , فقط بویان الله بویاغینا

هر آلدادان بویاقلارا قلبین بویانماسین

خالقین گؤزون اویاردی شاهین میر غضبلری

[...]

ای صفاسین اونودمایان قافقاز

گلمیشم ذوق آلام مراقیندان

غیرتی جوشغون اولمایان نه بیلیر

کی نه لر چکمیشم فراقیندان

اوخوروق بیز سیزین ترانه لری

[...]

بیر اوشاقلیقدا خوش اولدوم اودا یئر گؤی قاچاراق

قوش کیمی داغلار اوچوب ، یئل کیمی باغلار گئچدی

صونرا بیردن قاطار آلتیندا قالیب ، اوستومدن

دئیه بیلمم نه قدر سئل کیمی داغلار گئچدی

اوره گیمدن خبر آلسان : « نئجه گئچدی عؤمرون ؟ »

[...]

نه ظریف بیر گلین عزیزه سنی

منه لایق تاری یاراتمیشدی !

بیر ظریف روحه بیر ظریف جسمی

ازدواج قدرتیله قاتمیشدی !!!

عشقیمین بولبولی سنی دوتموش

[...]

محرم دیر ، خانیم زینب عزاسی

بیزی سسلر حسینین کربلاسی

یولی باغلی قالیب دشمن الینده

داها زوارینین یوق سس- صداسی

( بوگون کرب بلا ویران اولوب دیر )

[...]

خان ننه ، هایاندا قالدین

بئله باشیوا دولانیم

نئجه من سنی ایتیردیم !

دا سنین تایین تاپیلماز

سن اؤلن گون ، عمه گلدی

[...]

(۱)

حیدربابا گلدیم سنی یوخلیام

بیر ده یاتام قوجاغوندا یوخلیام

عمری قوام بلکه بوردا حاخلیام

اوشاقلیغا دیم بیزه گلسن بیر

[...]

سیزلاییر احوالیما صوبحه قدر تاریم منیم

تکجه تاریم دیر قارا گونلرده غم‌خواریم منیم

چوخ‌وفالی دوست‌لاریم واردیر، یامان گون گلجه‌یین

تاردان اؤزگه قالماییر یار وفاداریم منیم

یئر توتوب غمخانه‌ده، قیلدیم فراموش عالمی

[...]