امیر گنه: چَنه زَنّی مه دلْ ره چنگ؟

ناله و نوا هَرگه دَرئینه آهنگْ

زَمُونه مِنْ دلْ رهْ بدٰا غِم چنگْ

دارْنه آسمونْ دشمنی با دِل تنگْ

دَنی درَنگْ، هَرگز نَوّه یکی رنگ

صَرْفه نَورهْ کَسْ به زمونه‌ی چنگْ

واسِرّ ته تنگه دهونْ، دلْ بَیّیه تنگ

دَسْتِ ته سنگه دلْ، زمّه سینه ره سنگْ

مجیکْ‌خدنگْ،‌ای شوخ‌وشنگ، برفه آرنگ

ترکِ خدنگْ به جنگ دارنهْ، مه خینْ آهنگْ

درنگهْ هلا نئیته کٰارِمْن رنگْ

سَمنْ لنگهْ مهْرِ عَرْصهْ، کُومْ بیّیهْ لَنْگ