گنجور

 
امیر پازواری
امیر پازواری » دیوان اشعار » چهاربیتی‌ها »

شمارهٔ ۸۸

ایْ بُورِهْ سوارْ! چَمْ بَزویی منه چَمْ

بَسونِ آهو رَمْ بکردی مجه رَمْ

اندمْ حالْپِرسُونْ که نیشتْ بوئِمْ راهِ دَمْ

دَراوُنْ راهِ سَرْ، دوستْ‌رِهْ بِیُورِمْ شه چَمْ

کَیْ بُو بوینمْ غَمْ به دِلْ مه بَوِّه کَمْ

دوستِ نَدییِنْ، دیده نَمُونِسْ مه نَمْ

اون یارْ که مه جٰا جِدا نَیْیهْ یکی دَمْ

اِسٰا مَرْدِمِ گفتهْ مه جٰابَیْتِهْ رَمْ