گنجور

 
امیر پازواری
امیر پازواری » دیوان اشعار » چهاربیتی‌ها »

شمارهٔ ۸۳

امیر گنه: اینْ شهررِهْ چه کارْ بسازِمْ

ناکَردِه چَل رِهْ چٰارِهْ، ناچارْ بسازِمْ

گاهی به دِریو، گَهْ به کنارْبسازِمْ

اَلْقصّهْ به جُورِ روزگارْ بسازِمْ

گاهی سَرِ زِلْفْ، گَهْ به زُنّارْ بِسازِمْ

گاهی سَرخوش وُ گَهْ به خُمارْ بسازِمْ

گاهی به گِلْ وُ گِه به گِلزارْ بسازِمْ

گاهی به رقیبْ، گه به نگار بسازِمْ