گنجور

 
امیر پازواری
امیر پازواری » دیوان اشعار » چهاربیتی‌ها »

شمارهٔ ۷۰

کیجا تُو خجیری و خجیره ته وَنگْ

تو کوکِ مِجِشّْ کِنّی هِلٰالِه‌یِ رَنگْ

دَوِسّی شه آچّه گردنْ‌رِهْ زَری زَنگْ

ریکا به دنبالْ زنّه شه سینه‌رِهْ سَنگْ

وِرازِنه ته هٰامِتِنْ‌رِهْ کَرِهْ سَنگْ

نَوِرٰازِنِهْ عَقیقهْ لوُ کِنی جَنگْ

گِلونه دَشنی آچّه (عاجه) گردن هوکشی تنگ

عاشقْ مَمّهْ ته، زَمّه شه سینه‌رِهْ سَنگْ