گنجور

 
امیر پازواری
امیر پازواری » دیوان اشعار » پنج‌بیتی‌ها »

شمارهٔ ۱۱

بِفای خجیروُنْ نَمونسّه یٰاروُن!

یا اونهْ که خوبونْ همه بی‌بفا بُون

جمشید تخت و حاتم‌صفتْ، مالِ قارون،

کاوُسْ‌مَنشْ، رستم‌کنش، چون فریدون

دولتْ چه غلُومِ حلقه بگوشه تهْ خون

حاتم‌صفتْ مشهورِ ایرون وُ تورون

اُونطورْ که تنه دولتْ بئیته سامون،

دشمن زَرْدُ و زارْ مجهْ وُ بوئه حَیْرُون

تنه کارِسازْ بُوئه خدایِ بی‌چون!

ته پشت وُ پناه بَوُوئه شاهِ مَردُون!