اَیْ حُوریوَشْ مِسْتِهْ چَشْ، آهویِ لٰارْ!

تِهْ ناوُکِ عِشْقْ هٰا کِرْدِهْ مِهْ دِلْ‌رِهْ کٰارْ

مِهْ سَرْ سِتِمی سَنْگْ خِرْنِهْ روزی سی‌وارْ

جفاکَشْ همینْ مِنْمِهْ، تویی جِفٰاکاٰرْ

اَوی دُوسْ به گیتی اَرْدَووُ یکی وارْ

[...]

اَوی دُوسْ به گیتی بَسْ نِخارِهْ مِهْ‌کٰارْ

کَتْمِهْ شووُ روز، دیمْ دکِتْ سُونِ ویمٰارْ

سُوزِّمِهْ، و تَشْ (آتِشْ) بُونه هَر روزی سی‌وٰارْ

مصاحبْ مِنِهْ دَرْدِهْ، اَنْدوُهِهْ تیمٰارْ

امیر گِنِهْ: هر کسْ که مِجی اَوی یٰارْ

[...]

نیشْتِمِهْ سَنْگِ سَرْ، دیمْ هٰاکِرْدْمِهْ بِهْ روُبارْ

دِلْ‌رِهْ گِتْمِهْ کوئه ته نازنینْ یٰارْ؟

چِشْ‌رِهْ گِتْمِهْ که بِوارْ زاریِ زارْ

ته یارِ دییِنْ بُونِهْ هَر سالْ یکی وارْ

یارْ تُو شِهْ (شی) رقیبْ داروُنِواشْ دلْازٰارْ

[...]

گِلْدَسْتِهْ! ته واسِّرْ سَرْگِردُونْمِهْ، آوارْ

سونِ دیو وُ دَدْ مِجِمِّهْ دامِنِ غٰارْ

به اینْ خُورِهْ چیرْ، آخر چه سُونِه مه کارْ؟

دَکِتْ به تنی (تِنِهْ) دَرْ، سُوجم تِهْ عِشْقِ نٰارْ

بَکِتْمِهْ شِنی مِلْک وُ مِقُومِ شِهْ (شی) یٰارْ

[...]

پِیْغومْ که ته جا رِسیمِهْ چُونِه ته کارْ؟

مِرِهْ سَرزَنِشْ کِرْدی، نوومه ته یارْ

مِرِهْ حدِّ اونْ نییِهْ که بَوومْ ته یارْ

تِهْ بَنْدوُمِهْ، وینِهْ بَرُوشْ، وینِهْ شِرْدارْ

امیر گِنِهْ: مِهْ مَسْتِهْ چِشْ بی‌بفایارْ!

[...]

سییُو چِشْ، سییُو بِرْفِهْ، سییُو مجیکْ مَسْ

سیف وُ گِلْ وُ وارِنْگْ هِرْ سِهْ تِهْ هَدیوسْ

مِنْ اوُنْ بُبْبُلامُونّمْ که باغْ بَوی مَسْ

بَدی اونْ نَدی، دِلْ‌رِهْ هِدامه شِهْ دَسْ

چِشْ تازِهْ نَرْگِسْ مُونْدِنِهْ، باغْ بَوی مَسْ

[...]

دُوسْ (رِهْ) دیمه هَرکَسْ (که) خِنِهْ بَوِرْدْ بتٰاوَسْ

زِلفْ (رِهْ) دیمِهْ پیچونْ به گِردِ عٰاشِقْ هٰاوَسْ

ته شَهلا چِشْ کِشْتُومِهْ، آهویِ مَسْ

آخِرْ عاشِقْ دِلْ‌رِهْ نِدایی شِهْ دَسْ

اِسْکِنْدِرْ دِل وُ مَردی اَفْراسیابْ‌رَسْ

[...]

دِ تُرک و دِ جٰادوُ، دِبلابَوی مَسْ

دِ اَرْدَرْ منی راهِهْ کَمینِهْ مه قَسْ

تیر وُ پرَ و پیکانْ، هِپِرازنّی شَسْ

تُرکْ مَسّْ و کَمونْ دِنی اَدی تُرکِ دَسْ

تُرکِ مسّه، چاچی به دَسْ اینه مَهْ قَسْ

[...]

نٰاکِرْدی مِنٰا یاری، چیرهٰا گِنی وَسْ؟

بِساتی مِرِهْ عاشقِ بیقرارْ، مَسّ

اِساکه تِنی دَسْ بَرسی به مه دَسْ،

اِنْداجِمِّهْ شاهِ کمرْ، دارمْ هٰاوِسْ

سَرْمَسَ وُ سُو آل مَسّ وُ جِنافه ته مَسّْ

[...]

بَدیمه یکی تازه جِووُنْ بِروُبِسْ

کَمونْ برفِهْ، جادوُ دِچِشْ، آهویِ مَسْ

تو پنجاهْ هزاری،‌ای جِووُنِ رُوبِسْ

کَیْ بُونه تِنی میرِهْ وَرزی به می‌دِسْ؟

دی شیمِهْ، پَری شیمه، اَمروبِروپَسْ

[...]

دُوسْ‌رِهْ شیرِ نازْ دیمه چِشمِ کنار مَسْ

اَدی شیرِ نردیمه تختِ سَرْ هُووَسْ

به مهْد اَندرونْ دیمه چِهْ سُورپییونْ خِسْ

دِ پنج و چاهارْ، دلْ‌رِهْ بِدامه شِهْ دَسْ

خِشْ وینه دوستِ هر چش کنارْ شَسْ

[...]

بِهِلْ تا بنالمْ بیدردْ سه دِل دَسْ

چِنوُنْ بنالمْ که نالهْ بِلْبِلْ مُسّْ

گرفتارِ یک جامِّه یکی گِلِ دَسْ

گِلْ به دلْ بلا بَییِهْ، بلا گِلِ دَسْ

اگر که دنی مال وُ ملک مه نَمونِسْ،

[...]

شینْ، شادْبومّه اُونْدَمْ که درآیی مه دُوسْ،

شه هر دِوَرِهْ زلف‌رِهْ پِهایی مه دُوسْ

سی چو خدنگِ تیرْرِهْ بِسایی مه دُوسْ

مه کِشْتِنِ وَرْ به سِرِهْ آیی مه دوُسْ

ص، صُورت خوبی بیآرایی مه دُوسْ

[...]

قلندر صفت دَوِسْمِهْ شه تنْ‌رِهْ پُوسْ

مِجْمِهْ دَرْ به دَرْ گمّه حق اللّهِ دوسْ

اگر که منه حال‌ره بَدوُنی مه دُوسْ،

دِباله مِنِهْ سَرْینْ، دُو آجِهْ مه پُوسْ

پَرِسْتِشْ کِنی دَیْر و زنّار و ناقوسْ

[...]

گاهی مَسّهْ، گَهْ بی‌هوشْ، گٰهی مِنٰاهوشْ

هَردمْ توبه‌یِ حقّْ به دلْ مه کِنی جُوشْ

هَلی وُ پِشمالی دِشندی بُناگوشْ

ته نخجیرِمهْ، شِهْ کَمِنْ دَرْآوِرْمِهْ دُوشْ

مَطْلوبْ وینه که سَخُونْرِهْ هٰاکنی گُوشْ

[...]

اَمْرُو دل‌بری آواز بییامُو مه گُوشْ

بی‌بنگُ و شرابْ، دَرْدَمْ بویمِهْ بی‌هوشْ

ته شَرْبِتِ لُورِهْ هرکی هٰاکنی نُوشْ

مِجی خِضْرآسٰا وُ مرگْ بَوّهْ فرامُوشْ

اونْ مِحالْ که ته غمْ بییّه مه هم آغوشْ

[...]

کی گِتْ بو که وَرْفِ سَرْکَلِنْ آتشْ، وَشْ!

دَراییِنْ زنگی و دییِنْ آتشْ‌رِهْ خِشْ!

مِنْ حَیْروُنِ ته چیرمهْ بالا سُوره وَشْ

نٰاوَرْف اوُ بُونه وُ ناکه میرِنه آتَشْ

دل سنگه منی،اُوچییِهْدارنه مه چِشْ؟

[...]

حیاتِه تِنِه نُومُ و نباته ته خِشْ

ویهارِهْ تنه دیم وُ پَئیزهْ ته کَشْ

ته دیمْ نقره‌یِ پاکه، طلای بیغَشْ

ماهیمِه، تِنِهْ دُومْ دَکِتِمِهْ، کنارْکَشْ

منْ بمردِه روزُ تختْ‌رِهْ شِنِهْ سِراکَشْ

[...]

اَدی دَکِتِهْ تنه شییِنْ بیچارشْ

اَدی دَکِتِهْ مه دِلْ‌رِهْ زار وُ نالِشْ

اَشری (اسری) که مه چِشْ کَلِنِهْ سونِ وارشْ،

تُو شونی، کِرِهْ کِنّی مِنِهْ اِسْپارِشْ؟

چی بُو (چیوا) بَمِرْد بُومْ شوی وصالْ تنه کَشْ

[...]

ته جا اَرْبه شیر و هیر بَووُ سوُرِوَشْ!

درامّه به شیر و هیر و گیرِ ما تِرِهْ کَشْ

اگر گِلْگُونْ آتِشْ بَوّه ته لُویِ خِشْ

دَرْاِمّه به آتِشْ وُ دِمِّهْ تَشْ‌رِهْ خِشْ

اَوی تو دَکِتِهْ مه دِلْ‌رِهْ آتَشْ وَشْ

[...]