گنجور

تورکون دیلی

 
شهریار
شهریار » گزیدهٔ اشعار ترکی
 

تورکون دیلی تک سئوگیلی ایسته کلی دیل اولماز

اؤزگه دیله قاتسان بو اصیل دیل اصیل اولماز

اؤز شعرینی فارسا – عربه قاتماسا شاعیر

شعری اوخویانلار ، ائشیدنلر کسیل اولماز

فارس شاعری چوخ سؤزلرینی بیزدن آپارمیش

« صابیر » کیمی بیر سفره لی شاعیر پخیل اولماز

تورکون مثلی ، فولکلوری دونیادا تک دیر

خان یورقانی ، کند ایچره مثل دیر ، میتیل اولماز

آذر قوشونو ، قیصر رومی اسیر ائتمیش

کسری سؤزودور بیر بئله تاریخ ناغیل اولماز

پیشمیش کیمی شعرین ده گرک داد دوزو اولسون

کند اهلی بیلرلر کی دوشابسیز خشیل اولماز

سؤزلرده جواهیر کیمی دیر ، اصلی بدلدن

تشخیص وئره ن اولسا بو قدیر زیر – زیبیل اولماز

شاعیر اولابیلمزسن ، آنان دوغماسا شاعیر

مس سن ، آبالام ، هر ساری کؤینک قیزیل اولماز

چوخ قیسسا بوی اولسان اولیسان جن کیمی شئیطان

چوق دا اوزون اولما ، کی اوزوندا عاغیل اولماز

مندن ده نه ظالیم چیخار ، اوغلوم ، نه قیصاص چی

بیر دفعه بونی قان کی ایپکدن قزیل اولماز

آزاد قوی اوغول عشقی طبیعتده بولونسون

داغ – داشدا دوغولموش ده لی جیران حمیل اولماز

انسان اودی دوتسون بو ذلیل خلقین الیندن

الله هی سئوه رسن ، بئله انسان ذلیل اولماز

چوق دا کی سرابین سویی وار یاغ – بالی واردیر

باش عرشه ده چاتدیرسا ، سراب اردبیل اولماز

ملت غمی اولسا ، بو جوجوقلار چؤپه دؤنمه ز

اربابلاریمیزدان دا قارینلار طبیل اولماز

دوز واختا دولار تاختا – طاباق ادویه ایله

اونداکی ننه م سانجیلانار زنجفیل اولماز

بو « شهریار » ین طبعی کیمی چیممه لی چشمه

کوثر اولا بیلسه دئمیرم ، سلسبیل اولماز

۱۳۴۸

با دو بار کلیک بر روی هر واژه می‌توانید معنای آن را در لغت‌نامهٔ دهخدا جستجو کنید.

شماره‌گذاری ابیات | ارسال به فیس‌بوک

این شعر را چه کسی در کدام آهنگ خوانده است؟

برای معرفی آهنگهایی که در متن آنها از این شعر استفاده شده است اینجا کلیک کنید.

حاشیه‌ها

تا به حال ۲۸ حاشیه برای این شعر نوشته شده است. برای نوشتن حاشیه اینجا کلیک کنید.

ماهی نوشته:

من عاشق این شعرم.روحش شاد

فرزاد نوشته:

یاد و نام شهریار ایران زمین همیشه در قلب ما ایرانیها و مخصوصا آذری زبانهاست .

حامد نوشته:

الله رحمت ایلسین آذر بایجان شاعری شهریار

امیر حسین رسولی نوشته:

چوخ چوخ اوریه یاتان شعردیر
الاه اتا اناسین رحمت السین

فخرالدین نوشته:

شهریار منیم عشقیمدی الله روحین شاد السین

فخرالدین نوشته:

شخریار منیم عشقیمدی
الله روحین شاد السن

محمد امین نوشته:

چوخ گشه شعردی

terpem نوشته:

یاشاسئن شهریار یاشاسئن آذربایجان یاشاسئن تؤرک دیلی

یوسف نوشته:

الله رحمت السون روحی شاد چوخ خوش شعر دیپ

تورک نوشته:

قوربان اولوم شهریاره

حسین نوشته:

حقیقتا گرک شعر آنا دان دوغلان زامان انسانون ذاتین دا اولا
الله رحمت آله سون شهریاری

گیمبیل نوشته:

من ن یازیم برا هارادی یاشاسین خوی یاشاسین قزقلعه یاشاسین نجفی‌لر

علی نوشته:

آذربایجانیمیز شهریار کیمی شاعرلر افتخار الیر والله شهریارین روحین شاد ایلسین کی آذربایجانمیزین باشین اوجا الیب

حسین اسدزاده نوشته:

الله سنه غنی غنی رحمت السین ترکین اوزی سوزی باشاراجاغی تک دی

بصیران نوشته:

شهریارین بوتون شعرلری گوزل ، اشیدملی و اوخومالیدر

hamed نوشته:

یاشاسین آذربایجان شاعری الله رحمت السین

ناشناس نوشته:

الله رحمت السین استادشهریارا

علی سلطان زاده نوشته:

شهریار شعر ایران
نام اور نامی آذربایجان
خالق اللهی -همای رحمت
یادگار گرانقدر حیدر بابا
سربلندی سهندو سبلان
یادت بخیر شهریار روح و جان
ثلاله پاک سلطان خراسان
روحم و جان مرحوم شهریار

محمد نوشته:

سالام اولسون تامام دوسلارا قیزلره اوغلانلارا نه فرقی وار نه دیله دانیشاق اهمیتی سوز بودور که هامیمیز ایرانیوخ تاریخ دیر اذربایجان اولکسی همیشه ایرانون باشیمیش نه باش بدنسوز نه بدن باشسوز ارزشی وار دوستان عزیز ما همه مال یه خاکیم باید هویت قومی خودمون رو حفظ کنیم ولی باید دونست از همه چیز مهمتر وطنمونه یعنی ایران ساق اولا سیز سلامت باشید

ناشناس نوشته:

اگر چه در خاک هستم ولی روزی مانند گلی بیرون ایم و
به سمت اسمان خواهم رفت.

هادی نوشته:

یاشاسین تورک دیلی یاشاسین آذربایجان

بیرتؤرک نوشته:

شهریاردی تؤرک لرین ایفتیخاری یاشاسین تؤرک لر یاشاسین اذربایجان یاشاسین تؤرک دیلی

آتایای نوشته:

ییرین جنت یوردون آباد
اوستاد شهریار تورکلرین افتیخاری
یاشاسین آزربایجان

اردبیلی نوشته:

دوغوردان استاد دئمیشی کیمین بیزیم تورکی دیلیمیز چوخ شیرین وبویوک دیلدی.نه موتلو تورکوم دییه نه.

یک سرابی نوشته:

پس سراب اردبیل اولماز دای؟ هه؟ یاخجی…
روحون شاد اولسون اوستاد.

حامد نوشته:

سراب لیلار بو شعری اوخی سیدیلار اردبیل اوستانین دان آیریلمازدیلار
الله شهریارا رحمت السین

لیدا نوشته:

شهریار شیرین سخن فخر آذربایجان
شهریار تورک میلتینین وارلیقیده

امپرور نوشته:

سلام ببخشید من ترکی بلد نیستم کسی هست ترجمه این شعرو بهم بگه؟

کانال رسمی گنجور در تلگرام